Friday, 5 August 2016

Top 25 Shayri On SHARAAB

Sharaab Shayri



aa.e the hañste khelte mai-ḳhāne meñ 'firāq'

jab pī chuke sharāb to sanjīda ho ga.e
    •  
ab to utnī bhī mayassar nahīñ mai-ḳhāne meñ

jitnī ham chhoḌ diyā karte the paimāne meñ
    •  
ai mohtasib na pheñk mire mohtasib na pheñk

zālim sharāb hai are zālim sharāb hai
    •  
ai 'zauq' dekh duḳhtar-e-raz ko na muñh lagā

chhuTtī nahīñ hai muñh se ye kāfar lagī huī
'ġhālib' chhuTī sharāb par ab bhī kabhī kabhī

piitā huuñ roz-e-abr o shab-e-māhtāb meñ
    •  
go haath ko jumbish nahīñ āñkhoñ meñ to dam hai

rahne do abhī sāġhar-o-miinā mire aage
    •  
kuchh bhī bachā na kahne ko har baat ho ga.ī

aao kahīñ sharāb piyeñ raat ho ga.ī
    •  
lutf-e-mai tujh se kyā kahūñ zāhid

haa.e kam-baḳht tū ne pī hī nahīñ
    •  
na tum hosh meñ ho na ham hosh meñ haiñ

chalo mai-kade meñ vahīñ baat hogī
    •  
pahle sharāb ziist thī ab ziist hai sharāb

koī pilā rahā hai piye jā rahā huuñ maiñ
    •  
piitā huuñ jitnī utnī hī baḌhtī hai tishnagī

saaqī ne jaise pyaas milā dī sharāb meñ
    •  
pilā de ok se saaqī jo ham se nafrat hai

piyāla gar nahīñ detā na de sharāb to de
    •  
qarz kī piite the mai lekin samajhte the ki haañ

rañg lāvegī hamārī faaqa-mastī ek din
    •  
  • i
sāqiyā tishnagī kī taab nahīñ

zahr de de agar sharāb nahīñ
    •  
shikan na Daal jabīñ par sharāb dete hue

ye muskurātī huī chiiz muskurā ke pilā

tark-e-mai hī samajh ise nāseh

itnī pī hai ki pī nahīñ jaatī
    •  
zāhid sharāb piine de masjid meñ baiTh kar

yā vo jagah batā de jahāñ par ḳhudā na ho
    •  
zāhid sharāb piine se kāfir huā maiñ kyuuñ

kyā DeḌh chullū paanī meñ īmān bah gayā
    •  
'zauq' jo madrase ke bigḌe hue haiñ mullā

un ko mai-ḳhāne meñ le aao sañvar jā.eñge
    •  

Posted by at No comments:
Labels:
Subscribe to: Posts (Atom)