Top 20 SAD Shayri

SAD SHAYRI

aa.e bhī log baiThe bhī uTh bhī khaḌe hue

maiñ jā hī DhūñDtā tirī mahfil meñ rah gayā

• 
 

 
• HAIDAR ALI AATISH

āñkhoñ tak aa sakī na kabhī āñ.suoñ kī lahr

ye qāfila bhī naql-e-makānī meñ kho gayā

• 

• ABBAS TABISH

aadat ke ba.ad dard bhī dene lagā mazā

hañs hañs ke aah aah kiye jā rahā huuñ maiñ

• 
 

• JIGAR MORADABADI

aag aisī lagī thī siine meñ

aañkh se dil meñ vo utar na sakā

• 

• JALEEL MANIKPURI
 

aage aatī thī haal-e-dil pe hañsī

ab kisī baat par nahīñ aatī

• 

 
• MIRZA GHALIB
 

aage aatī thī haal-e-dil pe hañsī

ab kisī baat par nahīñ aatī

• 
 

• MIRZA GHALIB
 

aaj aañsū tum ne poñchhe bhī to kyā

ye to apnā umr bhar kā kaam hai

• 
 

• JALEEL MANIKPURI
 

aaj kyā lauTte lamhāt mayassar aa.e

yaad tum apnī ināyāt se baḌh kar aa.e

• 
 

• RAJINDER MANCHANDA, BANI

aap kī āñkhoñ meñ aañsū dekh kar

aaj apne ġham kā andāza huā

• 
 

• SHAHJAHAN BANO YAAD

aasrā de ke mere ashk na chhīn

yahī le de ke bachā hai mujh meñ

• 
 

• UNKNOWN

ātish-e-dozaḳh meñ ye garmī kahāñ

soz-e-ġham-hā-e-nihānī aur hai

• 
 

• MIRZA GHALIB
 

ab ai ḳhudā ināyat-e-bejā se fā.eda

mānūs ho chuke haiñ ġham-e-jāvedāñ se ham

• 

• JOSH MALIHABADI

ab is ghar kī ābādī mehmānoñ par hai

koī aa jaa.e to vaqt guzar jaatā hai

• 
 

• ZEHRA NIGAAH
 

ab jis taraf se chāhe guzar jaa.e kārvāñ

vīrāniyāñ to sab mire dil meñ utar ga.iiñ

• 
 

• KAIFI AZMI
 

ab mirī baat jo maane to na le ishq kā naam

tū ne dukh ai dil-e-nākām bahut sā paayā

• 
 

• MUSHAFI GHULAM HAMDANI

ab to is raah se vo shaḳhs guzartā bhī nahīñ

ab kis ummīd pe darvāze se jhāñke koī

• 
 

• PARVEEN SHAKIR
 

ab to ḳhud apnī zarūrat bhī nahīñ hai ham ko

vo bhī din the ki kabhī terī zarūrat ham the

• 
 

• AITBAR SAJID
 

ab to sarāb hī se bujhāne lage haiñ pyaas

lene lage haiñ kaam yaqīñ kā gumāñ se ham

• 
 

• RAJESH REDDY
 

ab ye bhī nahīñ Thiik ki har dard miTā deñ

kuchh dard kaleje se lagāne ke liye haiñ

• 
 

• JAAN NISAR AKHTAR
 

ahl-e-jannat mujhe lete haiñ na dozaḳh vaale

kis jagah jā ke tumhārā ye gunahgār rahe

• 
 

• MADHAV RAM JAUHAR

ai shauq-e-nazāra kyā kahiye nazroñ meñ koī sūrat hī nahīñ

ai zauq-e-tasavvur kyā kiije ham sūrat-e-jānāñ bhuul ga.e

• 
 

• ASRAR UL HAQ MAJAZ
 

aisā lagtā hai ki bujhne kī ghaḌī aa pahuñchī

lau charāġhoñ kī bahut tez huī jaatī hai

• 
 

• FASIH RABBANI

ashkoñ ke nishāñ parcha-e-saada pe haiñ qāsid

ab kuchh na bayāñ kar ye ibārat hī bahut hai

• 
 

• EHSAN ALI KHAN

baaqī abhī hai karb kā ik aur marhala

mahsūs jo kiyā hai use sochnā bhī hai

• 
 

• ANWAR ALAM SIDDQUI

bas ab to dāman-e-dil chhoḌ do bekār ummīdo

bahut dukh sah liye maiñ ne bahut din jī liyā maiñ ne

• 
 

• SAHIR LUDHIANVI
 

behtar thā TūTtā kisī gulchīñ ke haath se

vo phuul huuñ ki shāḳh pe murjhā rahā huuñ maiñ

• 
  
• UNKNOWN

be-zabānī zabāñ na ho jaa.e

raaz-e-ulfat ayaañ na ho jaa.e

• 
 

• DAGH DEHLVI

bhiiḌ tanhā.iyoñ kā melā hai

aadmī aadmī akelā hai

• 
 

• SABA AKBARABADI

bismil ke taḌapne kī adāoñ meñ nasha thā

maiñ haath meñ talvār liye jhuum rahā thā

• 
 

• ADIL MANSURI
 

bujhne de sab diye mujhe tanhā.ī chāhiye

kuchh der ke liye mujhe tanhā.ī chāhiye

• 

• ANJUM SALEEMI
 

chiñgāriyāñ na Daal mire dil ke ghaao meñ

maiñ ḳhud hī jal rahā huuñ ġhamoñ ke alaao meñ

• 
 

• SAIF ZULFI

dānista ham ne apne sabhī ġham chhupā liye

pūchhā kisī ne haal to bas muskurā diye

• 
 

• AAFAQUE SIDDIQUI

dard minnat-kash-e-davā na huā

maiñ na achchhā huā burā na huā

• 
 

 
• MIRZA GHALIB
 

dard o ġham dil kī tabī.at ban ga.e

ab yahāñ ārām hī ārām hai

• 
 

 
• JIGAR MORADABADI

dard sahne ke liye sadme uThāne ke liye

un se dil apnā mujhe vāpas talab karnā paḌā

• 

• AZIZ HYDERABADI

dard-e-dil ke vāste paidā kiyā insān ko

varna taa.at ke liye kuchh kam na the karr-o-bayāñ

• 
 

dard-e-dil kuchh kahā nahīñ jaatā

aah chup bhī rahā nahīñ jaatā

• 
 

• QAYEM CHANDPURI
 

dard-e-dil kyā bayāñ karūñ 'rashkī'

us ko kab e'tibār aatā hai

• 
 

• MOHAMMAD ALI KHAN RASHKI

dard-e-ulfat zindagī ke vāste iksīr hai

ḳhaak ke putle isī jauhar se insāñ ho ga.e

• 
  
• UNKNOWN

dekh dāman-giir mahshar meñ tire hoveñge ham

ḳhuuñ hamārā apne dāman se na ai qātil chhuḌā

• 
 

• AARIFUDDIN AAJIZ

dīvāroñ se mil kar ronā achchhā lagtā hai

ham bhī pāgal ho jā.eñge aisā lagtā hai

• 
 

• QAISAR-UL-JAFRI
 

dil kī vīrānī kā kyā mazkūr hai

ye nagar sau martaba luuTā gayā

• 
 

 
• MIR TAQI MIR

dil sarāpā dard thā vo ibtidā-e-ishq thī

intihā ye hai ki 'fānī' dard ab dil ho gayā

• 
 

• FANI BADAYUNI

dil to merā udaas hai 'nāsir'

shahr kyuuñ saa.eñ saa.eñ kartā hai

• 
 

• NASIR KAZMI
 

dilbaroñ ke shahr meñ begānagī andher hai

āshnā.ī DhūñDtā phirtā huuñ maiñ le kar diyā

• 
 

• BAYAN AHSANULLAH KHAN
 

dil-e-nādāñ tujhe huā kyā hai

āḳhir is dard kī davā kyā hai

• 

• MIRZA GHALIB
 

din ko daftar meñ akelā shab bhare ghar meñ akelā

maiñ ki aks-e-muntashir ek ek manzar meñ akelā