Sher-O-Shayri: TOp Shayri Of All Time- Most Quoted Shayri

Sher-O-Shayri: TOp Shayri Of All Time- Most Quoted Shayri:

Ragoñ meñ Daudte phirne ke ham nahīñ qaail

jab aañkh hī se na Tapkā to phir lahū kyā hai       ...

TOp Shayri Of All Time- Most Quoted Shayri

Ragoñ meñ Daudte phirne ke ham nahīñ qaail

jab aañkh hī se na Tapkā to phir lahū kyā hai

•                                                         MIRZA GHALIB

Sarfaroshī kī tamannā ab hamāre dil meñ hai

dekhnā hai zor kitnā baazu-e-qātil meñ hai

•                                                       BISMIL AZIMABADI

Shah-zor apne zor meñ girtā hai misl-e-barq

vo tifl kyā giregā jo ghuTnoñ ke bal chale

•                                                         MIRZA AZEEM BEG 'AZEEM'

 

Sitāroñ se aage jahāñ aur bhī haiñ

abhī ishq ke imtihāñ aur bhī haiñ

•                                                        ALLAMA IQBAL

un ke dekhe se jo aa jaatī hai muñh par raunaq

vo samajhte haiñ ki bīmār kā haal achchhā hai

•                                                        MIRZA GHALIB

vo aaeñ ghar meñ hamāre ḳhudā kī qudrat hai

kabhī ham in ko kabhī apne ghar ko dekhte haiñ

•                                                        MIRZA GHALIB

ye ishq nahīñ āsāñ itnā hī samajh liije

ik aag kā dariyā hai aur Duub ke jaanā hai

•                                                      JIGAR MORADABADI

ye jabr bhī dekhā hai tārīḳh kī nazroñ ne

lamhoñ ne ḳhatā kī thī sadiyoñ ne sazā paaī

•                                                     MUZAFFAR RAZMI

zāhid sharāb piine de masjid meñ baiTh kar

yā vo jagah batā de jahāñ par ḳhudā na ho

•                                                            UNKNOWN

                                     
                                         zindagī zinda-dilī kā hai naam

                           murda-dil ḳhaak jiyā karte haiñ

                                                                                    
                                                                    Unknown

ab to jaate haiñ but-kade se 'mīr'

phir mileñge agar ḳhudā laayā

•                                                    MIR TAQI MIR

ab to utnī bhī mayassar nahīñ mai-ḳhāne meñ

jitnī ham chhoḌ diyā karte the paimāne meñ

•                                                          DIVAKAR RAHI

aur bhī dukh haiñ zamāne meñ mohabbat ke sivā

rāhateñ aur bhī haiñ vasl kī rāhat ke sivā

•                                                       FAIZ AHMAD FAIZ

dil nā-umiid to nahīñ nākām hī to hai

lambī hai ġham kī shaam magar shaam hī to hai

•                                                    FAIZ AHMAD FAIZ

dil-e-nādāñ tujhe huā kyā hai

āḳhir is dard kī davā kyā hai

•                                                          MIRZA GHALIB

dushmanī jam kar karo lekin ye gunjā.ish rahe

jab kabhī ham dost ho jaa.eñ to sharminda na hoñ

•                                                       BASHIR BADR

ham aah bhī karte haiñ to ho jaate haiñ badnām

vo qatl bhī karte haiñ to charchā nahīñ hotā

•                                                        AKBAR ALLAHABADI

ham ko ma.alūm hai jannat kī haqīqat lekin

dil ke ḳhush rakhne ko 'ġhālib' ye ḳhayāl achchhā hai

•                                                              MIRZA GHALIB

ham ko miTā sake ye zamāne meñ dam nahīñ

ham se zamāna ḳhud hai zamāne se ham nahīñ

•                                                         JIGAR MORADABADI

hazāroñ ḳhvāhisheñ aisī ki har ḳhvāhish pe dam nikle

bahut nikle mire armān lekin phir bhī kam nikle

•                                                        MIRZA GHALIB

ishq ne 'ġhālib' nikammā kar diyā

varna ham bhī aadmī the kaam ke

•                                                      MIRZA GHALIB

kabhī kisī ko mukammal jahāñ nahīñ miltā

kahīñ zamīn kahīñ āsmāñ nahīñ miltā

•                                                     NIDA FAZLI

ḳhudī ko kar buland itnā ki har taqdīr se pahle

ḳhudā bande se ḳhud pūchhe batā terī razā kyā hai

•                                                 ALLAMA IQBAL

maiñ akelā hī chalā thā jānib-e-manzil magar

log saath aate ga.e aur kārvāñ bantā gayā

•                                              MAJROOH SULTANPURI

qais jañgal meñ akelā hai mujhe jaane do

ḳhuub guzregī jo mil baiTheñge dīvāne do

•                                           MIYAN DAD KHAN SAYYAH