Sunday, 24 July 2016

Top20 Famous Shayri

Top 20 all Time famous Shayri

āgāh apnī maut se koī bashar nahīñ

sāmān sau baras kā hai pal kī ḳhabar nahīñ
agar baḳhshe zahe qismat na baḳhshe to shikāyat kyā

sar-e-taslīm ḳham hai jo mizāj-e-yaar meñ aa.e
bandish-e-alfāz juḌne se nigūñ ke kam nahīñ

shā.erī bhī kaam hai 'ātish' murassa-saaz kā
    •  
be-ḳhudī be-sabab nahīñ 'ġhālib'

kuchh to hai jis kī parda-daarī hai
    •  
duniyā ke jo maze haiñ hargiz vo kam na hoñge

charche yūñhī raheñge afsos ham na hoñge
    •  
ġhazālāñ tum to vāqif ho kaho majnūñ ke marne kī

divāna mar gayā āḳhir ko vīrāne pe kyā guzrā
ham aah bhī karte haiñ to ho jaate haiñ badnām

vo qatl bhī karte haiñ to charchā nahīñ hotā
    •  
ishq ik 'mīr' bhārī patthar hai

kab ye tujh nā-tavāñ se uThtā hai
ḳhanjar chale kisī pe taḌapte haiñ ham 'amīr'

saare jahāñ kā dard hamāre jigar meñ hai

koī kyuuñ kisī kā lubhā.e dil koī kyā kisī se lagā.e dil

vo jo bechte the davā-e-dil vo dukān apnī baḌhā ga.e
    •  
lagā rahā huuñ mazāmīn-e-nau ke phir ambār

ḳhabar karo mere ḳhirman ke ḳhoshā-chīnoñ ko
    •  
maktab-e-ishq kā dastūr nirālā dekhā

us ko chhuTTī na milī jis ko sabaq yaad huā
    •  
na chheḌ ai nik.hat-e-baad-e-bahārī raah lag apnī

tujhe aTkheliyāñ sūjhī haiñ ham be-zaar baiThe haiñ
    •  
sadā aish daurāñ dikhātā nahīñ

gayā vaqt phir haath aatā nahīñ
shab ko mai ḳhuub sī pī sub.h ko tauba kar lī

riñd ke riñd rahe haath se jannat na ga.ī
    •  
umr-e-darāz maañg ke laa.ī thī chaar din

do aarzū meñ kaT ga.e do intizār meñ
    •  
This sher is famous in the the name of Bahadur Shah Zafar but its actually written by Seemab Akbarabadi. Seemab wrote the complete ghazal in a mushaira at Aligarh in 1919.
un kā jo farz hai vo ahl-e-siyāsat jāneñ

merā paiġhām mohabbat hai jahāñ tak pahuñche
    •  
vaqt do mujh par kaThin guzre haiñ saarī umr meñ

ik tire aane se pahle ik tire jaane ke ba.ad
    •  
ye ishq nahīñ āsāñ itnā hī samajh liije

ik aag kā dariyā hai aur Duub ke jaanā hai
Posted by at No comments:
Subscribe to: Posts (Atom)