Ek aurat se vafā karne kā ye tohfa milā
Jaane kitnī auratoñ kī bad-duā.eñ saath haiñ
ġhazloñ kā hunar apnī āñkhoñ ko sikhāeñge
roeñge bahut lekin aañsū nahīñ āeñge
jab saath na de koī āvāz hameñ denā
ham phuul sahī lekin patthar bhī uThāeñge
guftugū un se roz hotī hai
muddatoñ sāmnā nahīñ hotā
ham bhī dariyā haiñ hameñ apnā hunar mālūm hai
jis taraf bhī chal padeñge rāsta ho jāegā
ham dillī bhī ho aa.e haiñ lahore bhī ghūme
ai yaar magar terī galī terī galī hai
hasīñ to aur haiñ lekin koī kahāñ tujh sā
jo dil jalāe bahut phir bhī dilrubā hī lage
is shahr ke bādal tirī zulfoñ kī tarah haiñ
ye aag lagāte haiñ bujhāne nahīñ aate
sochā nahīñ achchhā burā dekhā sunā kuchh bhī nahīñ
māñgā ḳhudā se raat din tere sivā kuchh bhī nahīñ
itnī miltī hai mirī ġhazloñ se sūrat terī
log tujh ko mirā mahbūb samajhte hoñge
jis din se chalā huuñ mirī manzil pe nazar hai
āñkhoñ ne kabhī miil kā patthar nahīñ dekhā
kabhī yuuñ bhī aa mirī aañkh meñ ki mirī nazar ko ḳhabar na ho
mujhe ek raat navāz de magar is ke baad sahar na ho
ḳhudā kī itnī baḌī kā.enāt meñ maiñ ne
bas ek shaḳhs ko māñgā mujhe vahī na milā
koī haath bhī na milā.egā jo gale miloge tapāk se
ye na.e mizāj kā shahr hai zarā fāsle se milā karo
kuchh to majbūriyāñ rahī hoñgī
yuuñ koī bevafā nahīñ hotā
Mandir gae masjid gae pīroñ faqīroñ se mile
ik us ko paane ke liye kyā kyā kiyā, kyā kyā huā
mohabbat adāvat vafā be-ruḳhī
kirā.e ke ghar the badalte rahe
baḌe logoñ se milne meñ hamesha fāsla rakhnā
jahāñ dariyā samundar se milā dariyā nahīñ rahtā
Ghurūr us pe bahut sajtā hai magar kah do
isī meñ us kā bhalā hai ġhurūr kam kar de
chāñd sā misra akelā hai mire kāġhaz par
chhat pe aa jaao mirā sher mukammal kar do
ujāle apnī yādoñ ke hamāre saath rahne do
na jaane kis galī maiñ zindagī kī shaam ho jaae
sochā tujhe dekhā tujhe chāhā tujhe puujā tujhe
merī ḳhatā merī vafā terī ḳhatā kuchh bhī nahīñ
kabhī husn-e-parda-nashīñ bhī ho zarā āshiqāna libās maiñ
jo maiñ ban sañvar ke kahīñ chalūñ mire saath tum bhī chalā karo
abhī raah maiñ kaī mod haiñ koī aa.egā koī jāegā
tumheñ jis ne dil se bhulā diyā use bhūlne kī duā karo
agar yaqīñ nahīñ aatā to āzmāe mujhe
vo aa.ina hai to phir aa.ina dikhāe mujhe
na tum hosh meñ ho na ham hosh maiñ haiñ
chalo mai-kade maiñ vahīñ baat hogī
saat sandūqoñ meñ bhar kar dafn kar do nafrateñ
aaj insāñ ko mohabbat kī zarūrat hai bahut
Shohrat kī bulandī bhī pal bhar kā tamāshā hai
jis Daal pe baiThe ho vo TuuT bhī saktī hai
tumheñ zarūr koī chāhatoñ se dekhegā
magar vo āñkheñ hamārī kahāñ se lā
egā
utar bhī aao kabhī āsmāñ ke ziine se
tumheñ ḳhudā ne hamāre liye banāyā hai
ye phuul mujhe koī virāsat meñ mile haiñ
tum ne mirā kāñToñ bharā bistar nahīñ dekhā
-BASHIR BADAR
