Top Shayri on DOSTI

Top Shayri for DOSTI

aa gayā 'jauhar' ajab ulTā zamāna kyā kaheñ

dost vo karte haiñ bāteñ jo adū(dushman) karte nahīñ

• MADHAV RAM JAUHAR

aa ki tujh bin is tarah ai dost ghabrātā huuñ maiñ

jaise har shai meñ kisī shai kī kamī paatā huuñ maiñ

• JIGAR MORADABADI
 

aaḌe aayā na koī mushkil meñ

mashvare de ke haT ga.e ahbāb

• JOSH MALIHABADI

ab kahāñ dost mileñ saath nibhāne vaale

sab ne sīkhe haiñ ab ādāb zamāne vaale

• SADA AMBALVI
 

agar tumhārī anā hī kā hai savāl to phir

chalo maiñ haath baḌhātā huuñ dostī ke liye

• 
 

• AHMAD FARAZ

aġhyār kā shikva nahīñ is ahd-e-havas meñ

ik umr ke yāroñ ne bhī dil toḌ diyā hai

• 
 

• MAHESH CHANDRA NAQSH
 

ba.ad marne ke bhī chhoḌī na rifāqat merī

merī turbat se lagī baiThī hai hasrat merī

• 
 

 
• AMEER MINAI
 

daaġh duniyā ne diye zaḳhm zamāne se mile

ham ko tohfe ye tumheñ dost banāne se mile

• KAIF BHOPALI
 

dekhā jo khā ke tiir kamīñ-gaah kī taraf

apne hī dostoñ se mulāqāt ho ga.ī

• 

• HAFEEZ JALANDHARI
 

dil abhī puurī tarah TuuTā nahīñ

dostoñ kī mehrbānī chāhiye

 
• ABDUL HAMID ADAM

dostī aam hai lekin ai dost

dost miltā hai baḌī mushkil se

• 
 

 
• HAFEEZ HOSHIARPURI

dostī aur kisī ġharaz ke liye

vo tijārat hai dostī hī nahīñ

• 
 

 
• ISMAIL MERATHI

dostī jab kisī se kī jaa.e

dushmanoñ kī bhī raa.e lī jaa.e

• 
 

• RAHAT INDORI

dostoñ ko bhī mile dard kī daulat yā rab

merā apnā hī bhalā ho mujhe manzūr nahīñ

• 
 

 
• HAFEEZ JALANDHARI

dostoñ maiñ koī ḳhudā to na thā

tum ne phir kyuuñ bhulā diyā mujh ko

• 
 

 
• TAHIR TILHARI

dostoñ se mulāqāt kī shaam hai

ye sazā kaaT kar apne ghar jā.ūñgā

• 
 

• MAZHAR IMAM
 

dushmanī jam kar karo lekin ye gunjā.ish rahe

jab kabhī ham dost ho jaa.eñ to sharminda na hoñ

• 

 
• BASHIR BADR

dushmanī laakh sahī ḳhatm na kiije rishta

dil mile yā na mile haath milāte rahiye

• 
 

 
• NIDA FAZLI

dushmanoñ kī jafā kā ḳhauf nahīñ

dostoñ kī vafā se Darte haiñ

• 
 

 
• HAFEEZ BANARASI
 

dushmanoñ se kyā ġharaz dushman haiñ vo

dostoñ ko aazmā kar dekhiye

• 
 

• UNKNOWN

dushmanoñ se pashemān honā paḌā hai

dostoñ kā ḳhulūs āzmāne ke ba.ad

• KHUMAR BARABANKAVI
 

fā.eda kyā soch āḳhir tū bhī daanā hai 'asad'

dostī nādāñ kī hai jī kā ziyāñ ho jā.egā

• 
 

• MIRZA GHALIB
 

ġhairoñ ko kyā paḌī hai ki rusvā kareñ mujhe

in sāzishoñ meñ haath kisī āshnā kā hai

• 
 

 
• ASAD BADAYUNI
 

ġhunchoñ kā fareb-e-husn tauba kāñToñ se nibāh chāhtā huuñ

dhoke diye haiñ dostoñ ne dushman kī panāh chāhtā huuñ

• 
 

• UNKNOWN

ik nayā zaḳhm milā ek na.ī umr milī

jab kisī shahr meñ kuchh yaar purāne se mile

go zarā sī baat par barsoñ ke yārāne ga.e

lekin itnā to huā kuchh log pahchāne ga.e

• KHATIR GHAZNAVI
 

ham ko aġhyār kā gilā kyā hai

zaḳhm khā.eñ haiñ ham ne yāroñ se

• 
 

 
• SAHIR HOSHIYARPURI