Top 20 Shayri by Faaiz Ahmed Faiz

TOP 20 Shayri by Faiz Ahmed faiz

aa.e to yuuñ ki jaise hamesha the mehrbān

bhūle to yuuñ ki goyā kabhī āshnā na the

• 
 
• Ishq,
 
• Shikwa,
 
• Love,
 
• Romantic

• FAIZ AHMAD FAIZ

aur bhī dukh haiñ zamāne meñ mohabbat ke sivā

rāhateñ aur bhī haiñ vasl kī rāhat ke sivā

• 
 
• Ishq,
 
• Love

 
• FAIZ AHMAD FAIZ

aur kyā dekhne ko baaqī hai

aap se dil lagā ke dekh liyā

• 
 
• Ishq,
 
• Love

dil nā-umiid to nahīñ nākām hī to hai

lambī hai ġham kī shaam magar shaam hī to hai

• 
 
• Ishq,
 
• Hijr,
 
• Shaam,
 
• Dil,
 
• Judai

• FAIZ AHMAD FAIZ
 

donoñ jahān terī mohabbat meñ haar ke

vo jā rahā hai koī shab-e-ġham guzār ke

• FAIZ AHMAD FAIZ
 

duniyā ne terī yaad se begāna kar diyā

tujh se bhī dil-fareb haiñ ġham rozgār ke

• 
 
• Yaad,
 
• Duniya,
 
• Judai

guloñ meñ rañg bhare baad-e-nau-bahār chale

chale bhī aao ki gulshan kā kārobār chale

• 
 
• Intezar,
 
• Love

• FAIZ AHMAD FAIZ
 

ham parvarish-e-lauh-o-qalam karte raheñge

jo dil pe guzartī hai raqam karte raheñge

• FAIZ AHMAD FAIZ

ik fursat-e-gunāh milī vo bhī chaar din

dekhe haiñ ham ne hausle parvardigār ke

• 
 
• Philosophical,
 
• Gunah/ Savab

• FAIZ AHMAD FAIZ
 

ik tarz-e-taġhāful hai so vo un ko mubārak

ik arz-e-tamannā hai so ham karte raheñge

• 
 
• Taghaful,
 
• Romantic

• FAIZ AHMAD FAIZ

kar rahā thā ġham-e-jahāñ kā hisāb

aaj tum yaad be-hisāb aa.e

• 
 
• Yaad,
 
• Judai

• FAIZ AHMAD FAIZ
 

maqām 'faiz' koī raah meñ jachā hī nahīñ

jo kū-e-yaar se nikle to sū-e-daar chale

• 
 
• Ishq,
 
• Love

• FAIZ AHMAD FAIZ
 

na gul khile haiñ na un se mile na mai pī hai

ajiib rañg meñ ab ke bahār guzrī hai

• FAIZ AHMAD FAIZ
 

na jaane kis liye ummīd-vaar baiThā huuñ

ik aisī raah pe jo terī rahguzar bhī nahīñ

• FAIZ AHMAD FAIZ
 

nahīñ nigāh meñ manzil to justujū hī sahī

nahīñ visāl mayassar to aarzū hī sahī

• 
 
• Justaju

• FAIZ AHMAD FAIZ
 

tere qaul-o-qarār se pahle

apne kuchh aur bhī sahāre the

• FAIZ AHMAD FAIZ
 

tumhārī yaad ke jab zaḳhm bharne lagte haiñ

kisī bahāne tumheñ yaad karne lagte haiñ

• 
 
• Tasawwur,
 
• Yaad,
 
• Love,
 
• Judai

• FAIZ AHMAD FAIZ
 

vo baat saare fasāne meñ jis kā zikr na thā

vo baat un ko bahut nā-gavār guzrī hai

• FAIZ AHMAD FAIZ
 

ye aarzū bhī baḌī chiiz hai magar hamdam

visāl-e-yaar faqat aarzū kī baat nahīñ

• 
 
• Hijr,
 
• Judai

• FAIZ AHMAD FAIZ

zindagī kyā kisī muflis kī qabā hai jis meñ

har ghaḌī dard ke paivand lage jaate haiñ