Top 20 Shayri By Ahmed faraaz

TOP 20 Shayri By Ahmed Faraaz

aañkh se duur na ho dil se utar jā.egā

vaqt kā kyā hai guzartā hai guzar jā.egā

• 
 
• Waqt,
 
• Aankh

• AHMAD FARAZ
 

ab aur kyā kisī se marāsim baḌhā.eñ ham

ye bhī bahut hai tujh ko agar bhuul jaa.eñ ham

• AHMAD FARAZ
 

ab dil kī tamannā hai to ai kaash yahī ho

aañsū kī jagah aañkh se hasrat nikal aa.e

• 
 
• Hasrat,
 
• Aansoo

• AHMAD FARAZ
 

ab ke ham bichhḌe to shāyad kabhī ḳhvāboñ meñ mileñ

jis tarah sūkhe hue phuul kitāboñ meñ mileñ

• 
 
• Ishq,
 
• Hijr,
 
• Kitaab

 
• AHMAD FARAZ
 

agar tumhārī anā hī kā hai savāl to phir

chalo maiñ haath baḌhātā huuñ dostī ke liye

• 
 
• Dosti,
 
• Romantic

• AHMAD FARAZ

aur 'farāz' chāhiyeñ kitnī mohabbateñ tujhe

maaoñ ne tere naam par bachchoñ kā naam rakh diyā

• 
 
• Self-Praise

• AHMAD FARAZ
 

bandagī ham ne chhoḌ dī hai 'farāz'

kyā kareñ log jab ḳhudā ho jaa.eñ

• AHMAD FARAZ
 

dil bhī pāgal hai ki us shaḳhs se vābasta hai

jo kisī aur kā hone de na apnā rakkhe

• AHMAD FARAZ
 

dil ko tirī chāhat pe bharosa bhī bahut hai

aur tujh se bichhaḌ jaane kā Dar bhī nahīñ jaatā

• 
 
• Dil,
 
• Judai

• AHMAD FARAZ
 

ġham-e-duniyā bhī ġham-e-yaar meñ shāmil kar lo

nashsha baḌhtā hai sharābeñ jo sharāboñ meñ mileñ

• 
 
• Sharab,
 
• Sad,
 
• Gham

 
• AHMAD FARAZ
 

ham ko achchhā nahīñ lagtā koī hamnām tirā

koī tujh sā ho to phir naam bhī tujh sā rakkhe

• AHMAD FARAZ
 

huā hai tujh se bichhaḌne ke ba.ad ye ma.alūm

ki tū nahīñ thā tire saath ek duniyā thī

• 
 
• Ishq,
 
• Hijr,
 
• Love,
 
• Judai

• AHMAD FARAZ

is qadar musalsal thiiñ shiddateñ judā.ī kī

aaj pahlī baar us se maiñ ne bevafā.ī kī

• AHMAD FARAZ
 

is se pahle ki be-vafā ho jaa.eñ

kyuuñ na ai dost ham judā ho jaa.eñ

• 
 
• Mashwara,
 
• Motivational

• AHMAD FARAZ
 

kis kis ko batā.eñge judā.ī kā sabab ham

tū mujh se ḳhafā hai to zamāne ke liye aa

• 
 
• Ishq,
 
• Hijr,
 
• Love,
 
• Judai

• AHMAD FARAZ
 

maiñ kyā karūñ mire qātil na chāhne par bhī

tire liye mire dil se duā nikaltī hai

• 
 
• Mehboob,
 
• Qatl/Qatil

• AHMAD FARAZ
 

ranjish hī sahī dil hī dukhāne ke liye aa

aa phir se mujhe chhoḌ ke jaane ke liye aa

• 
 
• Ashiq,
 
• Love

• AHMAD FARAZ
 

tum takalluf ko bhī iḳhlās samajhte ho 'farāz'

dost hotā nahīñ har haath milāne vaalā

• 
 
• Dosti

• AHMAD FARAZ
 

umr bhar kaun nibhātā hai ta.alluq itnā

ai mirī jaan ke dushman tujhe allāh rakkhe

• 
 
• Dosti

• AHMAD FARAZ

zindagī se yahī gila hai mujhe

tū bahut der se milā hai mujhe