Thursday, 21 July 2016

Top 20 Shayri by Allama Iqbal sb.


Top 20 shayri by Allama Iqbal





achchhā hai dil ke saath rahe pāsbān-e-aql

lekin kabhī kabhī ise tanhā bhī chhoḌ de
amal se zindagī bantī hai jannat bhī jahannam bhī

ye ḳhākī apnī fitrat meñ na nuurī hai na naarī hai
anokhī vaz.a hai saare zamāne se nirāle haiñ

ye āshiq kaun sī bastī ke yā-rab rahne vaale haiñ
apne man meñ Duub kar pā jā surāġh-e-zindagī

tū agar merā nahīñ bantā na ban apnā to ban
baaġh-e-bahisht se mujhe hukm-e-safar diyā thā kyuuñ

kaar-e-jahāñ darāz hai ab mirā intizār kar
dil se jo baat nikaltī hai asar rakhtī hai

par nahīñ tāqat-e-parvāz magar rakhtī hai
guzar jā aql se aage ki ye nuur

charāġh-e-raah hai manzil nahīñ hai
hazāroñ saal nargis apnī be-nuurī pe rotī hai

baḌī mushkil se hotā hai chaman meñ diida-var paidā
jis khet se dahqāñ ko mayassar nahīñ rozī

us khet ke har ḳhosha-e-gandum ko jalā do
ḳhudī ko kar buland itnā ki har taqdīr se pahle

ḳhudā bande se ḳhud pūchhe batā terī razā kyā hai
maanā ki terī diid ke qābil nahīñ huuñ maiñ

tū merā shauq dekh mirā intizār dekh
maiñ jo sar-ba-sajda huā kabhī to zamīñ se aane lagī sadā

tirā dil to hai sanam-āshnā tujhe kyā milegā namāz meñ
na pūchho mujh se lazzat ḳhānamāñ-barbād rahne kī

nasheman saikḌoñ maiñ ne banā kar phūñk Daale haiñ
nasha pilā ke girānā to sab ko aatā hai

mazā to tab hai ki girtoñ ko thaam le saaqī
sitāroñ se aage jahāñ aur bhī haiñ

abhī ishq ke imtihāñ aur bhī haiñ
tire ishq kī intihā chāhtā huuñ

mirī sādgī dekh kyā chāhtā huuñ
tū ne ye kyā ġhazab kiyā mujh ko bhī faash kar diyā

maiñ hī to ek raaz thā siina-e-kā.enāt meñ
tū shāhīñ hai parvāz hai kaam terā

tire sāmne āsmāñ aur bhī haiñ
uruuj-e-aadam-e-ḳhākī se anjum sahme jaate haiñ

ki ye TuuTā huā taarā mah-e-kāmil na ban jaa.e
yaqīñ mohkam amal paiham mohabbat fātah-e-aalam

jihād-e-zindagānī meñ haiñ ye mardoñ kī shamshīreñ
Posted by at
Labels:

No comments:

Post a Comment

Subscribe to: Post Comments (Atom)